O Consorcio de Turismo da Ribeira Sacra vén de informar que a ocupación en aloxamentos durante este pasado Entroido, nomeadamente de venres a martes, foi do  61,26%. Este dato indica que houbo máis de 14 puntos sobre as previsións que se manexaban a semana anterior que eran do 42%.

OCUPACIÓN POR ESTABLECEMENTOS

Hoteis de 4 e tres estrelas: 83,3 % na fin de semana // 58 % luns-martes.

Turismo rural: 72,2 % na fin de semana // 54,6 % luns-martes.

Vivendas Turísticas e de Uso Turístico: ocupadas o 62,5 % das VUT/VT na fin de semana // ocupadas o 37,5 % de luns a martes.

Resto aloxamentos: 73 % na fin de semana // 49 % luns-martes.

E para rematar o balance, a xerencia do Consorcio sinalou que “a ocupación viuse incrementada con reservas de última hora, seguramente debido ás boas previsións meteorolóxicas, e a hostalería tivo numerosa clientela do territorio e de zonas próximas facendo difícil atopar mesa sen reserva previa nestes días de Entroido”.