O obxectivo deste acordo é reformar esta construción para que os veciños e veciñas de Taboada conten cun local multiusos no que se desenvolverán numerosas actividades”. O mandatario provincial puxo en valor o “esforzo” de Roi Rigueira desde que chegou á Alcaldía “unha incansable entrega que se demostra en accións e proxectos que benefician de xeito directo aos taboadeses e taboadesas”.

Nesta liña, Tomé Roca destacou o compromiso do Alcalde con esta iniciativa e recordou que “foi Roi Rigueira quen propuxo, estando aínda na oposición, que o Concello comprase esta infraestrutura, construída no 1950, á Xunta de Galicia”.

Pola súa banda, Roi Rigueira agradeceu o apoio da institución provincial e destacou que as obras consisten “na demolición da tabiquería interior, na incorporación de 2 aseos na planta baixa, a dotación das correspondentes instalacións de auga, luz e rede de sumidoiros e tamén se vai substituír a carpintería actual, entre outras actuacións”.