Co obxectivo de mellorar a inserción laboral no sector sociosanitario, a Fundación Acción contra el Hambre pon en marcha o itinerario de talleres “Constrúe a túa saída laboral no sector dos coidados“, dirixido a persoas que están finalizando a formación CM Atención a persoas en situación de dependencia ou o Certificado de Profesionalidade en Atención Sociosanitaria ou formacións similares.
A primeira sesión, titulada “O mercado de traballo no sector dos coidados“, terá lugar este mércores, 3 de abril, no Salón de Actos do Centro Cívico e Social do Paseo do Malecón (Monforte de Lemos), das 17h ás 19h.
Neste encontro, analizaranse as distintas saídas profesionais, as tendencias do sector e as posibilidades de autoemprego. Ademais, contarase coa participación de profesionais que compartirán a súa experiencia e visión sobre o futuro dos coidados.
Este itinerario busca ofrecer ás persoas participantes as ferramentas necesarias para acceder ao mercado laboral con éxito, promovendo ao mesmo tempo a innovación e o emprendemento no ámbito dos coidados.
As prazas son limitadas. As persoas interesadas poden inscribirse a través de https://bit.ly/mercadocoidados ou no 648 16 68 48 (Ana) e 616 515455 (Laura).
Esta actividade enmárcase no proxecto Comunidades de Emprego e Emprendemento rural sostible financiado por FSE+ e Fundación MAPFRE
