No concello de Sarria mellorouse a LU-P-5602 de Sarria a Samos, polo núcleo de Pintín, vía de entrada a Sarria do Camiño de Santiago. Actuouse nun treito de 3,6 quilómetros, entre os puntos quilométricos 11,8 e 15,4. Esta estrada é vía de conexión intermunicipal entre Samos e Sarria, atravesando as parroquias de Calvor, Aguiada e San Mamede do Camiño. Ademais dos veciños da zona, por aquí pasan diariamente centos de peregrinos do Camiño Francés a Santiago procedentes de Samos.
Na Pobra do Brollón rehabilitáronse accesos a 12 núcleos rurais, Vilachá, Salvadur, A Eirexa, Salgueiros, Piño, Veiga, Santa de Rei, Santo Adrián, Fondorallo, Salcedo, Martul e Castroncelos. En concreto, executáronse traballos na LU-P-4702, que vai de Vilachá por Rozavales a Monforte, na que se actuou entre os puntos quilométricos 0 e o 1,2; a LU-P-4703, que vai da LU-652 a Santalla de Rei a LU-653, entre os puntos 4,6 e 6,8; a LU-P-4707, que vai da Pobra do Brollón por Saa, a Veneira de Roques, entre os puntos quilométricos 1 e 2,8; e na LU-P-4710 da LU-P-4701 Salcedo á Estación da Pobra do Brollón (LU-933), entre os puntos 2,2 e 4,8.
Tanto en Sarria como na Pobra do Brollón, os traballos consistiron na limpeza de cunetas, rehabilitación do firme con aglomerado en quente, renovación da sinalización vertical e repintado da sinalización horizontal.
