O sur de Lugo ergueuse esta mañá cuberto de branco. As baixas temperaturas e a presenza de xeadas xa se fixo notar co cal a entrada do inverno xa non deixa lugar a dúbidas.
A cidade de Sarria liderou a baixada do termómetro chegando a 8 graos baixo cero, tendo por detrás a Bóveda e Láncara con menos 7 e xa Monforte de Lemos, Pantón, Ribas de Sil e Paradela con 5 graos negativos.
Como curiosidade temos a Folgoso do Courel coa temperatura mínima en 3 graos, a única localidade do sur de Lugo que non baixou do temible cero.
Fermosas estampas brancas nun día frío de inverno que anticipa a chegada dos Reis Magos que xa poden vir ben abrigados para as cabalgatas desta noite. Aconséllase a todos os asistentes ás mesmas que leven roupa de abrigo e que recurran a bebidas quentiñas para entrar en calor se o precisan.
Fonte das temperaturas: Meteogalicia
