Este xoves, 8 de maio, ponse en marcha o Club de Emprendemento Ribeira Sacra, un espazo de encontro pensado para persoas emprendedoras (ou con ganas de selo), empresas, entidades sociais e todas aquelas persoas que apostan polo emprendemento como motor de dinamización rural na nosa comarca.

A xornada estará conducida por Ana Adán, e incluirá dinámicas participativas, momentos de reflexión compartida e propostas colectivas para deseñar o futuro do club entre todas as persoas participantes. Unha opotunidade para coñecer outras persoas emprendedoras da comarca, compartir ideas, inquedanzas e experiencias, e impulsar novas sinerxías e proxectos no rural. Inscricións neste enlace.

Programa

10:30– 10:45 | Recepción
Benvida informal e primeiros saúdos. Recollida de nomes e entrega de materiais.
10:45 – 11:30 | Presentacións
11:30 – 12:30 | Dinámica: “Que é para nós un club de emprendemento?”
Soñamos en voz alta:
Que imaxinamos?
Que nos gustaría atopar?
Que cousas evitaríamos?
12:30 – 13:00 | Dinámica: “Propostas de futuro”
Que podo ofrecer ao club?
Que me pode ofrecer a min?
Como nos organizamos? Cando será o próximo encontro?
Peche final: Acordo para próximo encontro.