As Foliadas Guímaras son unha iniciativa que impulsa o Concello da Pobra do Brollón co obxectivo de descentralizar a programación cultural dinamizando as distintas parroquias. Tamén se busca ofrecer un espazo no que o alumnado da Escola municipal de Música Samoeiro poida poñer en práctica o aprendido durante o curso.

A foliada de Pacios da Veiga deste sábado 10 de maio comezará ás 20:30 horas e estará amenizada pola agrupación Érbedo. Haberá barra e os anfitrións, a Asociación Veciñal ‘Arnado’, ofrecerá caldo, polo que dende a organización recomendan levar cunca e culler.