23 alumnos de 2º ESO A+B do IES A Pinguela remataron a súa participación nas Rutas Científicas, Artísticas e Literarias que organiza o Ministerio de Educación.

Fixeron distintas actividades e coñeceron cidades das Comunidades Autónomas de Extremadura e Castela e León sur (Casar, Cáceres, Trujillo, Parque Nacional de Monfragüe, Granadilla, Salamanca, Ávila, Valsaín e Parque Nacional Sierra del Guadarrama e tamén Segovia). Na viaxe estiveron acompañados dos compañeiros do mesmo curso do IES Costa del Sol de Torremolinos (Málaga) sendo unha experiencia inesquecible para todo o alumnado, pois, segundo explica o director do centro de ensino, “tiveron a oportunidade de desfrutar dunha semana máxica e intensa”.