O Esmorga Fest é unha cita que reúne a todos os amantes da música indie e underground fóra das datas estivais, concretamente en outubro, na vila de Sarria.

A organización vén de anunciar xa cinco das bandas que formarán parte do festival: La Habitación Roja, Anabel Lee, Mujeres, Oh Hiroshima e Bum Motion Club son os primeiros nomes dun cartel que promete manter a liña ascendente que vén amosando desde a súa orixe.

O que comenzou como unha festa de aniversario entre amigos, con actuacións de bandas amigas, converteuse co paso do tempo nun evento de repercusión e notable convocatoria chegando este 2025 ao seu décimo aniversario.