Este xoves 29 de maio, ás 19:30 h., terá lugar a terceira e última xornada da segunda edición do Marida Maio, evento turístico e gastronómico que está organizado pola Delegación Sur da Asociación Provincial de Empresarios de Hostelería e Turismo de Lugo e patrocinado pola Deputación de Lugo. O punto de encontro, como nas ocasións anteriores, será o Centro do Viño da Ribeira Sacra de Monforte.

Nesta sesión colaborarán a Parrillada O Casar, o restaurante Berso, o Pazo de Tor-Rede Museística de Lugo, as adegas Proencia e Val do Frade e a empresa de lecer Novas Rutas.

O Marida Maio é unha combinación de gastronomía e turismo, coa implicación de diversas empresas da comarca que achegan os seus produtos e servizos. O aforo, como nas dúas anteriores citas, volveu completarse.