O vindeiro 28 de xuño, entre as 10:00 e as 15:00 horas, celebrarase a I Edición do Concurso de Pintura Rápida modalidade e estilo libre e organizado polo Centro Comercial Ponte Vella coa colaboración da Fundación CUM LAUDE.
O certame desenvolverase baixo o título “Desde Pote Vella e a súa contorna” e a participación é totalmente aberta a calquera persoa sen límites de idade. Así, os interesados e interesadas deberán inscribirse antes do 27 de xuño por correo electrónico ou na web de Ponte Vella.
O sábado 28 de xuño, entre as 10 e as 11 da mañá, os participantes deberán acudir ao Centro Comercial para a selaxe e numeración dos soportes que deberán estar en branco con cor uniforme e ter unhas dimensións mínimas.
O FALLO
Coñecerase o mesmo día, ás cinco da tarde, e un xurado integrado por persoas vinculadas ao mundo da arte será o responsable de emitilo. Haberá dous premios: o primeiro, de 1.000 euros e un segundo premio de 500 euros. Todas as obras realizadas poderían estar expostas ata as seis da tarde para que o público asistente poida ter acceso á mesmas. As dúas obras gañadoras (o soporte físico) quedarán en propiedade do Centro Comercial para telas expostas.
