Este domingo, 3 de agosto, desde as 10:00 horas, desenvólvese a a 1ª Caminhada ‘Montefurados‘, que irá da vila de Montefurado en Quiroga á Boca do Monte e regresará ao punto de partida, que será a igrexa de San Miguel en Montefurado. Recoméndase subir a pé ata a igrexa xa que hai pouco espazo para coches.

O obxectivo será interpretar esta obra no seu contexto mineiro, rememorar o caso do ‘pozo de Steven’ e doutras buscas lendarias (e cheas de equívocos) da arqueoloxía mineira como a da ‘ruina montium‘.

A ruta terá unha duración dunhas 3 horas e media para percorrer 9 quilómetros. É un camiño fácil de andar, pero para maior comodidade a organización recomenda calzado de monte e levar auga.