Margaride, no concello de Quiroga e a carón do río Lor, é unha aldea que conserva vestixios que acreditan o paso dos romanos. Conserva unhas covas que foron galerías no lugar coñecido como ‘complexo aurífero do Medo’, ubicación onde se realiza a ‘Festa do ouro’, un evento que organiza a Asociación de Veciños e Veciñas de Margaride.
Esta romaría castrexo-romana xunta á veciñanza con diferentes actividades e un xantar popular pero tamén dá a coñecer a pegada dos romanos aos visitantes que se achegan a través de actividades divulgativas.
PROGRAMA 2025
Ás 11:30 h haberá unha Misa en latín.
Ás 12:00 h. Visita ás adegas, antigas galerías auríferas, acompañados de AIKIRINDO GAITUCADA.
Para as 14:30 h. está programado o xantar de confraternidade veciñal no ‘Campamento castrexo-romano’. O prezo é de 35 € con polbo e churrasco a fartar.
Actividades de lecer para pequenos/as e maiores pola tarde:
Ás 17:30 h. haberá xogos infantís entre castrexos e romanos: chave, na busca do ouro e actuación de maxia a cargo de “Deimi o Mago Castrexo”.
Ás 18:30 h. Conferencia na Cova do Medo baixo o título de “Vacceos, un pueblo celta del centro del Valle del Duero”; a cargo de Francisco Pérez Rodríguez, Director do Museo de Palencia e Arqueólogo.
Para a noitiña, ás 20:00 h. festa con DJ Kola, e ás 22:00 h. Cea no Campamento Castrexo-romano.
Rematando a xornada festiva, ás 23:00 h. ‘Nox Terrorem’: rituais celtas con Rumoris Fabulam Veri (Lenda, fábula ou verdade), Rito da boa sorte, concerto a cargo do cantautor local PEITOESCURO e queimada.
E a partir das 00:00 h. verbena con DJ Kola.
