A festa do Qui-Roma é unha festa diferente e a súa base é a implicación e participación da veciñanza “e para iso temos que atoparnos de bo ánimo para desfrutar”, aseguran, “para organizar unha actividade destas características o estado de ánimo é fundamental”.

“Unha das persoas máis importantes do Qui-Roma e que tanto nos axudou, e se implicou, está pasando momentos delicados debido aos incendios que ameazaron con forza a gandaría de Mario Nogueira de Chao da casa, un dos núcleos máis danados polas lapas”, explican.

Desde o Concello de Quiroga e os colaboradores da asociación QUI-ROMA, informan de que a décimo edición será o sábado, 22 de agosto, de 2026. “Mentres tanto, tócanos levantarnos destes días tristes, e desexar que Quiroga volva a ser o paraíso que sempre foi”, rematan.