Neste momento son tres os incendios activos en Galicia de máis de 20 hectáreas afectadas, tendo en conta o da Pobra do Brollón, o de Avión-Nieva e o de Carballedade Valdeorras-Casaio.
Na Pobra do Brollón segue activada a situación 2 polo incendio forestal iniciado na parroquia de Abrence, que segundo as últimas estimacións afecta unha superficie de arredor de 600 hectáreas, 500 ao longo desta pasada noite con tornados de lume e comportamentos convectivos que se veñen manifestando nestes incendios polo cambio climático. Neste lume decretouse a Situación 2, como medida preventiva, pola súa proximidade aos núcleos de Golmar, neste municipio e nos de Conceado e San Pedro, xa no municipio veciño de Quiroga. A N-120 permanece cortada á altura da Pobra do Brollón.
Para asúa extinción mobilizáronse de xeito acumulado 5 técnicos, 19 axentes, 23 brigadas, 28 motobombas, 4 pas, 4 helicópteros e 10 avións. Neste lume mobilizáronse efectivos da Unidade Militar de Emerxencias (UME).
