Este incendio estaba activo desde as 13.06 horas do luns, despois de iniciarse na parroquia de Abrence. Neste lume acábase de desactivar a Situación 2, medida adoptada de forma preventiva pola súa proximidade aos núcleos de Golmar, nesta mesma localidade; e nos de Conceado e San Pedro, xa no municipio veciño de Quiroga.

Para a súa extinción mobilizáronse de xeito acumulado 13 técnicos, 56 axentes, 61 brigadas, 51 motobombas, 5 pas, 9 helicópteros e 13 avións. Neste lume mobilizáronse tamñen efectivos da Unidade Militar de Emerxencias (UME) e outros efectivos nacionais e provinciais.

Neste momento, Medio Rural tamén dá por establizados os lumes rexistrados na Fonsagrada-San Pedro de Río (40 hectáreas). Actualmente continúan activos tres incendios de máis de 20 hectáreas en Galicia. Trátase dos das Pobra do Brollón-Abrence na provincia de Lugo, e dos de Avión-Nieva e de Carballeda de Valdeorras-Casaio, na de Ourense.