Todo listo para a celebración do festival “TremeTerra“, un evento que xuntará artistas e grupos europeos do panorama reggae e da cultura soundsystem. Concretamente estarán presentes nesta edición: 10.000 Lions, Black Beanie Dub, Ashanti Selah, Violinbwoy, Peter Youth Man, Roll & Record, Ishan Sound, Rider Shafique, Lion´s Den Soundsystem, Morganah Souljah, Dubbing Sun, Nina Girasóis, High Nebra, Piya Zawa e Tom Spirals.
Ademais dos concertos haberá tamén obradoiros e debates abertos sobre diversidade e experimentación sonora completando esta proposta diferencial para a mocidade nunha contorna natural de gran beleza como é o encoro de Vilasouto. O festival conta tamén cunha zona de acampada que é o epicentro de convivencia durante as dúas xornadas.
Iria Castro, presente o pasado martes 26 de agosto para coñecer os últimos preparativos do festival, destacou “a singularidade do festival que amplía e diversifica a axenda cultural e de música en directo desde o interior da provincia” e valorou a “aposta da organización por fórmulas de autofinanciamento como principal recurso e pola gratuidade da entrada”.
O TremeTerra conta co apoio da Vicepresidencia da Deputación de Lugo.
