O delegado do Goberno en Galicia, Pedro Blanco, confirmou que as Forzas e Corpos de Seguridade do Estado manteñen abertas varias liñas de investigación sobre o ataque ao centro de menores migrantes en Monforte.

A preguntas dos xornalistas, nun acto na Coruña, ratificou que se traballa con “dous ou tres liñas de investigación”. Tamén considerou que nas “próximas semanas” poderíase identificar xa “aos presuntos autores”.

“Está a traballarse en liñas de investigación moi concretas”, insistiu ante a pregunta sobre o labor que se está desarrolllando neste sentido. Tamén indicou que é “moi probable” que nas próximas semanas se identifique, deteña e se poña a disposición xudicial “a estes desalmados”.

O ataque produciuse durante a madrugada deste sábado, ao redor das 03.00 horas, con varios cóctel molotov contra o inmoble situado en Monforte de Lemos. Da investigación fíxose cargo a Policía Nacional.