Este venres 10 de outubro presentouse en Guntín o cartel do Xanela Fest, evento que se desenvolvera o venres 17 de outubro nesta localidade.

O alcalde de Guntín, Ángel Pérez, e Soraya Varela, responsable de atención comercial e eventos de Xanela, presentaron de xeito oficial o cartel coa programación desta festa que chega como premio tras un competido concurso que promoveu meses atrás a empresa de telecomunicacións chantadina.

Máis de 40 concellos participaron no concurso do Xanela Fest cunha quenda de votacións moi rifada que transcorreu entre o 1 de xullo e o 31 de agosto. Guntín liderou as votacións dende o principio, pero varios concellos estiveron perto de riparlle o primeiro posto. Monterroso, Padrón, Brión, Taboada e Chantada, nesta orde, foron os seguintes clasificados.

PROGRAMA DO XANELA FEST

O prato forte será a actuación da Orquestra Cinema, que comezará a medianoite, pero antes, ás 23:30 horas, os DJ Jairo LQ e Casanova quentarán motores para ir animando ao público.

Haberá tamén inchables para os cativos e cativas de 17:30 a 19:30 e de 23:30 a 1:30 horas.