O Centro Comercial Aberto Ribeira Sacra de Chantada organiza unha festa infantil para celebrar a nova estación do ano, o outono, e dinamizar o comercio local. Para iso convida a toda a veciñanza a mercar estes días no comercio asociado da localidade e así poder participar nas diferentes actividades que se realizarán na Praza Galicia pola tarde, en horario de 16:30 a 19:30 horas.
Para participar, as familias deberán acreditar unha compra mínima de 5 euros nun dos establecementos asociados realizada entre o 20 e o 25 de outubro.
ACTIVIDADES
Das 16:30 ás 19:30 horas haberá inchables, obradoiros de elaboración de cabazas de Samaín, pintacaras, photocall e outras sorpresas… Dende a organización lembran que para o taller de cabazas cómpre levar cada un a súa da casa.
As actividades están financiadas pola Vicepresidencia Primeira e Consellería de Economía, Industria e Innovación e contan coa colaboración do Concello de Chantada.
