O sábado, 1 de novembro, a partir das 17:00h celebrarase un obradoiro de elaboración de cabazas de Samaín para a rapazada, cabazas que despois pasarán a formar parte da decoración do lugar onde se faga o magosto.

A esa mesma hora visitarase algunha caniceira das que aínda se conservan na aldea dos Anguieiros onde antigamente se secaban as castañas ao calor das cociñas baixas ou lareiras. Coñecerase tamén algunha maquinaria que se empregaba antigamente para sacarlles a casca ás castañas secas. 

Xornada Castañeira Os Anguieiros / Asoc Boca do Monte

Ás 20:00h empezarase a facer lume para asar as castañas e a partir das 21:00 h. merenda-cea e Magosto popular con castañas asadas, sobremesas, viño e licores. A continuación foliada co grupo tradicional Abertal da Rúa.

Organiza a Asoc. Boca do Monte e colabora a Área de Cultura da Vicepresidencia da Deputación de Lugo.