Este xoves 30 de outubro xa houbo actividade festeira en San Clodio, empezando ás 12:00 h. coa Misa na honra ao seu Patrón, que lle dá o nome á vila. A continuación, ás 13:30 h., tivo lugar un xantar popular no Pavillón a base de empanada, polbo e bica para toda a xente que se apuntou.
Xa pola tarde, ás 20:00 h. celebrouse o magosto que estivo amenizado polo Dúo Estrellas.
FESTA DA TERCEIRA IDADE
O venes 31 será o día grande de festexos, e data na que se celebra a XXV Festa da Terceira Idade.
Pola mañá, de 12 a 14:00 h. haberá petiscos no Pavillón xentileza do programa ‘Galicia sabe amar’ co que a Xunta de Galicia promociona os produtos do mar e ofrece para iso unhas elaboracións especiais.
Ás 13:15 h. será a Misa e ás 14:00 h. o Concello de Ribas de Sil agasallará aos maiores cunha comida no Pavillón Polideportivo.
Pola tarde, das 17:00 ás 21:00 h. tamén estará a caravana da Xunta de Galicia cos petiscos e ás 20:00 h. haberá unha chourizada. Para rematar a noite música; primeiro co Dúo En Clave de Ti, e ás 22:00 h. concerto a cargo do grupo The Krowd.
Como remate de programación, o sábado 1 de novembro ás 21:00 h. haberá un concerto no Parque Infantil do Ladrillo a cargo do grupo ‘Terapia de Grupo’.
