En tempo de magostos, a Festa da Castaña do Courel é xa un referente no sur de Lugo. E non só polo contexto onde se celebra, nun dos lugares de Galicia onde se conservan fermosos soutos e castañas de gran calidade e sona, se non tamén por alcanzar este ano a XXXVI edición e por estar considerada como ‘Festa de Interese Turístico’.
Este ano a programación abrangue 2 días, comezando este venres 7 de novembro, día no que pola mañá tivo lugar un obradoiro de cociña para o alumnado do CPI Poeta Uxío Novoneyra a cargo do chef Álex Iglesias. A partir das 21:00 h. o Campo da Feira acollerá unha demostración culinaria, neste caso da man do cociñeiro Martín Mantilla, e a continuación farase unha queimada en compañía da música do grupo tradicional O Recanto de Quiroga.
PROGRAMACIÓN PARA O SÁBADO 8
12:30 h. Comezo da xornada festiva coa música de la agrupación Courelouzara e haberá degustación de balde de castañas e viño para veciños/as e visitantes ao longo de toda a mañá.
13:30 h. Pregón a cargo do cocinero Martín Mantilla, xerente do restaurante Berso de Sober. A continuación, entrega dos trofeos do VI Concurso de Tapas de Castaña do Courel que tivo lugar durante varios días entre finais de outubro e principios de novembro, e no que participaron 7 bares e restaurantes do Concello de Folgoso do Courel.
16:00 h. Actuación do grupo tradicional Mestura de Nete. A continuación, volverase ofrecer unha degustación de viño e castañas ao público asistente.
17:00 h. A Charanga Mil9 animará a tardiña con música.
20:30 h. Degustación de calduda (castaña cocida).
21:00 h. Concerto e fin de festa coa Banda de Balbina.
