Deses 800 diagnósticos rexistrados, 363 non puideron saír adiante e gañarlle a partida á enfermidade o que supón superar amplamente os promedios estatais de falecementos por cada 100.000 habitantes. Por detrás da nosa provincia están Zamora, con 369 decesos, e Ourense, con 367 pasamentos.

No 2018 diagnosticáronse en España 270.363 novos casos da enfermidade, 114.392 en mulleres e 155.971 en homes, o que supón unha taxa media por 100.000 habitantes de 579.

En Chantada está a que foi primeira asociación de cancro do sur de Lugo, “Chantada contra o cancro“. Naceu co fin de crear un espazo para compartir experiencias, apoiar a enfermos e familias, promover hábitos de alimentación e vida saudable e realizar conferencias e obradoiros divulgativos.

O obxectivo principal foi, desde a súa creación en decembro de 2016, poñerlle cara a un problema que afecta por desgraza a moitas persoas e ás súas familias e entorno próximo. No seu día a presidenta da asociación, María Jesús Rodríguez, entendía que “era preciso xuntarse para dar apoio aos/ás enfermos/as e familias, compartir experiencias, ofrecer información e conferencias de vida saudable e relativas a esta enfermidade”.

Este colectivo naceu en Chantada, pero está aberto para calquera persoa que queira unirse dos concellos da contorna.

Os datos ofrecidos de cancro na provincia de Lugo foron recollidos polo Observatorio da Asociación Española contra o Cancro (AECC), cuxo último informe divulgouse o pasado mércores. Máis información no Xornal da Mariña.