Arrinca o casting de figurantes e pequenos papeis para unha nova produción de Vaca Films de época que se rodará en distintas zonas de Galicia, entre elas O Courel, Ribadavia, Celanova, Santiago de Compostela, Lalín, Sobrado dos Monxes e Monfero.

A convocatoria busca persoas de todas as idades e perfís, con especial interese en xente maior e rostros naturais e características auténticas. Son de interese perfís de persoas que teñan o pelo e barba longos (o cabelo sen tinguir, patillas ou peiteados clásicos, acordes coa ambientación histórica do proxecto). Tamén se buscan todo tipo de peculiaridades físicas e rostros singulares.

O inicio da rodaxe está previsto para xaneiro e o proceso está aberto a residentes en Galicia, sen necesidade de experiencia previa. As persoas seleccionadas formarán parte dunha das producións audiovisuais máis relevantes que se preparan actualmente.

INSCRICIÓNS

Para inscribirse hai que cubrir un formulario cos seguintes datos persoais: nome completo, teléfono, idade, concello de residencia, tatuaxes visibles (e foto dos mesmos), altura, talla de camiseta, pantalón e zapatos e fotos moi recentes de fronte, perfís, costas e corpo enteiro. Para acceder a el pódese facer a través da ligazón https://tally.so/r/b5VyVg ou mandar ao mail jpcastings.gal@gmail.com.

As datas dos castings presenciais anunciaranse proximamente dende Vaca Films. Pódense seguir todas as novidades e convocatorias do casting a través de Instagram en @jp_castings, onde se publicará toda a información actualizada.