A película “Camino negro”, ambientada na época da ditadura na comarca mineira do Bierzo, foi proxectada o pasado 7 de decembro en San Clodio, cun acto moi especial que contou coa presenza de Javier R. Sotuela, da autora da novela e do director do filme.

Javier Rodríguez Sotuela, hoxe secularizado e con 92 anos, disfruta da vida na casa que o viu nacer, en San Pedro, en Ribas de Sil. “Alí quedan moitos recordos desta historia. Unha placa no exterior da súa casa lembra o orgullo do seu pobo pola valentía que amosou defendendo aos máis débiles, como se amosa no filme”, afirman dende o concello ao tempo que trasladan os parabéns a todo o equipo polos nomeamentos aos Goya “cunha historia tan dura como necesaria, maxistralmente levada á pantalla grande”.