O martes, 23 de decembro, a sede do Círculo Saviñao contará con visita de Antía, a Apalpadora, que chega acompañada polo músico André para contar contos e cantar como é a vida na alta montaña. A cita destinada, especialmente aos máis cativos, comezará ás 18:00h e inclúese na programación da Vicepresidencia da Deputación.

A seguinte cita terá lugar o 27 de decembro tamén a partir das 18:00h. Trécola producións ofrecerá o espectáculo The Piccole Theatre, Gran show de marionetas de fío.

Xa o 31 de decembro e para despedir este 2025, a sede do Círculo Saviñao, na rúa Emilio Pardo Bazán, nº 17 de Escairón, acolle desde as 2:30h o concerto de Gin Toni´s para dar a benvida ao novo ano.