Con máis de 1.300 participantes no Desfile de Comparsas e Disfraces e as rúas ateigadas de monfortinos e visitantes, Monforte mantén o poder de atracción para mobilizar comparsas e disfraces o Martes de Entroido. Ademais, nun ano no que houbo menos tempo para confeccionar as creacións a concurso cómpre salientar a alta participación, con algúns traballos espectaculares e moitos nos que non faltou a creatividade, o humor e as homenaxes ás nosas tradicións. Un espectáculo, en definitiva, que fixo gozar aos presentes, e que contou cunha climatoloxía favorable que fixo esquecer o frío e a recurrente choiva deste mes de febreiro.

Neste senso, o rexedor monfortino destaca “o impulso económico que supón esta celebración capaz de reunir na cidade a un número importantísimo de persoas tanto de aquí como de fóra, que visitan Monforte para desfrutar dunha posta en escena divertida e colorista, e na que non pode faltar a crítica e o bo humor”. Así mesmo, en nome de todo o Equipo de Goberno, felicita aos premiados e agradece a todos os participantes “a ilusión e as horas de traballo dedicadas á elaboración das estupendas propostas que desfilaron nesta edición”.

Coa participación tan alta de inscritos deste ano todo apunta a que esta celebración consolídase como referente no sur de Lugo. Así as cousas, o rexedor anima aos veciños e veciñas a seguir participando nos vindeiros coa mesma ilusión e dedicación.

PARTICIPACIÓN

Para o concurso do Martes de Entroido, o Concello estableceu dúas modalidades principais: unha delas para as comparsas e disfraces de Monforte de Lemos e outra para propostas de fóra do municipio. A partida destinada aos premios neste certame ascendeu a un máximo de 21.000€, dos que 17.850€ correspondían ás comparsas e disfraces de Monforte, e 3.150€ aos de fóra de Monforte. 

Nas comparsas de máis de 4 compoñentes participaron 21 colectivos de Monforte e 13 de fóra de municipio, con representación das catro provincias: Sarria, Bolmente, Sober, Oural, Cereixa, Bóveda, A Pobra do Brollón, Paradela e Chantada (Lugo), Vilamarín (Ourense), Ferrol (A Coruña) e Vigo (Pontevedra).

Na modalidade individual (de 1 a 3 compoñentes), inscribíronse 8 propostas de Monforte (5 de infantís e 5 de adultos) e 5 de fóra do concello. En total, 1.296 persoas inscritas, aínda que a participación no desfile é maior, apunta o Alcalde, “xa que súmase moita xente que non concursa pero que quere desfrutar igualmente do percorrido e da animación do desfile”.

DESENVOLVEMENTO DO DESFILE E PREMIOS

O Desfile comezouás 17.00 horas na praza da Estación e percorreu as rúas Calvo Sotelo, Roberto Baamonde, Praza Ponte Fontecha e rúa Compañía, para finalizar na explanada fronte o Colexio de Nosa Señora da Antiga, onde a concelleira de Cultura, Marina Doutón, disfrazada de pirata, deu a coñecer os ganadores e gañadoras do concurso. A xornada concluíu coa actuación da Orquestra Súper Top.

COMPARSAS DE FÓRA  de 1 a 3 compoñentes

3º.- Gino demonio del K-Pop. VIGO. Mª TERESA RAJO GONZÁLEZ  150€

2º.- Las Drag-Crocheteras. CHANTADA. SONIA TALLÓN GARCÍA 200€

1º.- David el Gnomo y su mujer. FERROL. Mª CARMEN TOYOS FONTENLA  250€

COMPARSAS DE FÓRA  de 4 a 24 compoñentes

3º.- Río. PARADELA. SANDRA ARIAS LÓPEZ 300€

2º.- Menuda parida. COMPARSA DE CEREIXA  400€

1º.- O lago dos cisnes. LAMAIGREXA. A POBRA DO BROLLÓN 500€

COMPARSAS DE FÓRA  máis de 25 compoñentes

3º.- A malla de Bolmente. ASOCIACION PARA O EMPREDENEMENTO SOSTIBLE NA RIBEIRA SACRA  300€

2º.- Soberiux da Reserva Sacra. ANPA VIRXE DO CARME DE SOBER 450€

1º.- Nasunción. ANPA COLEXIO ASUNCIÓN DE SARRIA   600

PREMIO Ó MELLOR HUMOR

• Ribeira Sacra Fest II. BEATRIZ RIOS BARREIRO  300€

PREMIO Á POSTA EN ESCEA

Esmorga Rock. CLUBE QUICELA XIMNASIA RÍTMICA  300€

PREMIO CRÍTICA DE ACTUALIDADE

Vaya Banda!. HECTOR MANUEL DÍAZ LÓPEZ   300€

PREMIO Á MELLOR MÚSICA EN VIVO

• Tukupa. ASOC. BATTUERE GRUPO TUKUPA  300€

PREMIO Á MELLOR COMPARSA TRADICIONAL

• Furafollas. Mª JOSÉ GARCÍA DÍAZ  300€

PREMIO ÁS CARROZAS

Accésit.- O bosque máxico. CAMPO SAN ANTONIO  100€

Accésit.- Voemos. CORREDOIRA 100€

Accésit.- A fraga encantada. ESCOLA INFANTIL PARRULIÑOS   100€

3º.- A música saíu da lámpada.  ASOC .CULTURAL OS XOGRARES DE LEMOS  450€

2º.- Érase unha vez Pinocho. ANPA A GÁNDARA 600€

1º.- A vida na lareira do barraquillo. BARRAQUILLO  800€

INDIVIDUAL INFANTIL

Accésit.- RUMI la guerrera del K-Pop. ABRIL BLANCO RAJO   75€

3º.- A brigada do bastón. SILVIA PÉREZ PORTO  100€

2º.- Paseo en globo por la Ribeira Sacra.  IÁN GONZÁLEZ ÁVAREZ  150€

1º.- La niña que quería llegar a la luna. CARLA GONZÁLEZ ÁVAREZ  200€

  COMPARSAS INFANTÍS

1º.- Ribeira Sacra Fest II. JOSÉ VÁZQUEZ VÁZQUEZ  500€

INDIVIDUAL ADULTO

Accésit.- As conexas. ROSARIO OSORIO ARIAS  100€

Accésit.- As picaronas en forma. ANA Mª RODRÍGUEZ BLANCO  100€

2º.- Resistencia ártica. OFELIA ESPIÑO LEDO  200€

1º.- Hippies de Baleares. REBECA GALVÁN SEGURA   300€

COMPARSAS ENTRE 4 e 24 COMPOÑENTES

Accésit.- El legado rebelde de Pippi. Mª INÉS RGUEZ. GARZA  200€

Accésit.- Entre plumas y Cancan. DANIEL LÓPEZ QUIROGA  200€

Accésit.- Mi gran boda India. SABELA MOREIRAS CUESTA  200€

3º.- A familia do Señor José. MARINA DÍAZ MARTÍNEZ  300€

3º.- Olimpiñeiradas. PIÑEIRA. BORJA VÁZQUEZ FUENTES  300€

2º.- A vida na lareira do barraquillo. BARRAQUILLO 400€

1º.- Furafollas. Mª JOSÉ GARCÍA DÍAZ 500€

COMPARSAS ENTRE 25 e 50 COMPOÑENTES

3º.- Ribeira Sacra Fest II. BEATRIZ RIOS BARREIRO  350€

2º.- O bosque máxico. CAMPO SAN ANTONIO  500€

1º.- Voemos. CORREDOIRA  700€

COMPARSAS ENTRE 51 e 90 COMPOÑENTES        

3º.- Esmorga Rock. CLUBE QUICELA XIMNASIA RÍTMICA   400€

3º.- A música saiu da lámpada. ASOC. CULTURAL OS XOGRARES DE LEMOS  400€

2º.- Érase unha vez Pinocho. ANPA A GÁNDARA  550€

1º.- El reino de las chuches. CELIA LÓPEZ RODRÍGUEZ   800€

COMPARSAS DE MÁIS DE 90 COMPOÑENTES

3º.- Carude prefiere ser un indio que un importante abogado. COMPARSA BARRIO CARUDE  800€

3º.- A fraga encantada. ESCOLA INFANTIL PARRULIÑOS   800€

2º.- Ratón Pérez & Cía. COLEXIO FERROVIARIO  1.000€

1º.- As bolboretas. ANPA A LAGOA CEIP MONFORTE COLEXIO NOVO 1.500€