Este ano encabezaban o desfile os traxes tradicionais do Entroido de Budián e contábase con animación musical por parte de Tambukda e a charanga Os Sureños. Ás 16:10 comezaba o Desfile, que durante dúas horas e media percorreu as rúas de Ferreira para rematar na Praza do Concello onde seguiría a música. Alí os participantes desfrutaron dun chocolate quente con biscoito e todos os nenos e nenas que desfilaron recibiron tamén o seu paquete de chuches, dos que se entregaron 600 unidades. Antes de seguir a festa procedíase á lectura dos premios.
O xurado composto por representantes elixidos por sorteo entre as comparsas de máis de 10 participantes, e unha persoa allea ás mesmas que exercía o voto de calidade en caso de empate, valorou o vestiario e maquillaxe, elaboración do disfraz, a posta en escena e a música. Así os premios recaeron en:
Comparsas Adultos Grupo A (máis de 10 compoñentes)
- 3º Premio, El reino de las chuches (150€)
- 2º Premio, La fraga encantada (200€)
- 1º Premio, A música saíu da lámpada (300€)
Comparsas Adultos Grupo B (grupos de entre 5 e 9 compoñentes)
- 3º Premio, Familia Mouse (100€)
- 2º Premio, Chourizos de Ferreira (125€)
- 1º Premio, Desconfínate (150€)
Comparsas Adultos Grupo C (individual e parellas entre 1 e 4 compoñentes)
- 3º Premio, Os australianos visitan Pantón (50€)
- 2º Premio, Fantasía Animal (75€)
- 1º Premio, Buzz light year (100€)
Comparsas Infantís de 10 ou máis compoñentes
- 3º Premio, Circo Estrella (150€)
- 2º Premio, Os furbiños (160€)
- 1º Premio, O arrecife de coral do cole de Oural (180€)
Comparsas Infantís de entre 5 e 9 compoñentes
- 3º Premio, A cuadrilla de Pantón (50€)
- 2º Premio, Os bombóns de Escairón (75€)
- 1º Premio, Bico aberto, festa segura (100€)
Infantil Individual e Parellas entre 1 e 4 compoñentes
- 3º Premio, David el gnomo y su mujer (20€)
- 2º Premio, Granjero busca esposa (40€)
- 1º Premio, A brigada do bastón (50€)
Todas as comparsas con carroza reciben 50€ como axuda e as de máis de 10 compoñentes recibiron 80€ non acumulables ao premio. Con todo o Concello de Pantón repartiu máis de 5.000€ en premios.
