Manuel Andrade, doutor en Astronomía e Astrofísica do Departamento de Matemáticas Aplicadas da Universidade de Santiago e membro do grupo de investigación Observatorio Astronómico Ramón María Aller, estivo co alumnado de 1º BAC do IES A Pinguela e os colaboradores da organización dos actos do 12 de agosto. Foi o pasado mércores 8 de abril, día no que ofreceu unha conferencia que titulou “O eclipse solar total de 2026 en Monforte”.

O Director do Centro, Enrique Sampil, moi agradecido coa colaboración de Andrade, afirmou que “foi unha comunicación moi útil para axudarnos a preparar os actos que organizará o Planetario Matías Vázquez, coa súa responsable Ángeles López ó fronte, con ese motivo”.