Esta aprobación ten carácter provisional. Agora a Xunta de Galicia debe ratificar a proposta ou formular posibles revisións, para o que ten un prazo de 2 meses. O prazo de 2 meses aínda non deu comezo xa que o documento, aprobado provisionalmente pola Xunta de Goberno, ten que ser revisado e dilixenciado polo secretario do Concello, e despois ser enviado aos Servizos de Urbanismo da Consellería de Medio Ambiente, Territorio e Vivenda da Xunta para o seu informe preceptivo. Unha vez o organismo autonómico dea o seu visto bo ao Plan, será o Pleno do Concello quen proceda á aprobación final do mesmo.

Esta aprobación provisional faise despois de que o Equipo Redactor valorara o conxunto de alegacións presentadas tanto por particulares como empresas, colectivos e asociacións aos que afecta dito Plan.

A resposta das alegacións, tanto a persoas como a entidades, levarase a cabo conforme á normativa cando se produza a aprobación definitiva do Plan por parte do Pleno do Concello.