A formación ofertada tiña por obxectivo capacitar en habilidades tecnolóxicas básicas á veciñanza do ámbito rural mediante a aprendizaxe de accións como a firma dixital, o funcionamento de  Ch@ve 365, o uso da aplicación do Sergas, da sede electrónica, o teléfono móbil, e mesmo as finanzas online coa utilización do bizum e a banca electrónica.

Estas accións formativas nas parroquias enmárcanse no programa ‘E para dixitalizarse Lugo’ que promove a Deputación de Lugo en colaboración cos Concellos. Monforte adheriuse a esta iniciativa coa proposta de accións formativas dirixidas específicamente a capacitar en habilidades tecnolóxicas básicas á poboación do ámbito rural.

Os obradoiros de carácter presencial e gratuíto e desenvolvéronse en diversas xornadas entre os meses de novembro de 2025 e febreiro de 2026 nos locais sociais das parroquias. Diríxense a persoas maiores ou en situación de desemprego, xente moza e mulleres do rural, aínda que están abertos a todas as idades e colectivos. O obxectivo, e ofrecer orientación e formación para facilitar a aprendizaxe das TIC como ferramenta de mellora da súa vida cotiá.

O alcalde, José Tomé, felicitou aos asistentes pola súa participación nos cursos e animou a toda a veciñanza, e especialmente ás persoas maiores, a “perderlle o medo ás tecnoloxías, aproveitar as vantaxes que ofrecen e facer un bo uso delas”. Ademais do diploma de participación nas accións formativas, as persoas asistentes ao acto recibiron como agasallo un reloxo dixital e un bolígrafo.

Formacións

• Firma dixital /Ch@ve 365 / Certificados varios Aplicacións do Sergas, Facenda. Actuar ante as administracións públicas, sede electrónica. Impartido nas parroquias de Ribasaltas e Sindrán, cunha formación total de 20 horas. Aprender dun xeito sinxelo e práctico, a desenvolverse no contorno dixital das administracións públicas. Utilizar a firma dixital, o sistema Ch@ve 365 e diferentes certificados electrónicos, ferramentas clave para realizar xestións sen necesidade de desprazamentos. Aplicacións útiles no día a día, como as apps do Sergas para citas médicas, a sede electrónica da Axencia Tributaria para trámites con Facenda, así como os portais en liña da Xunta de Galicia, Deputación e Concellos.
• O teléfono móbil, primeiros pasos. Impartido en Gullade, Bascós, Piñeira, Distriz e Seoane. Con 20 horas presenciais, trata de familiarizar co uso básico do teléfono móbil, aprendendo dun xeito sinxelo e práctico a manexar as súas funcións esenciais. Configurar o dispositivo, a utilizar aplicacións de uso cotián como a mensaxería instantánea, as redes sociais ou os mapas, e a aplicar medidas de seguridade básicas para un manexo responsable.
• Finanzas online, Bizum, banca electrónica. Impartiuse na parroquia da Penela con 20 horas para aprender a utilizar a banca dixital de forma sinxela, práctica e segura, descubrindo todas as vantaxes que ofrece fronte á banca tradicional. Acceder á banca en liña desde o ordenador ou o móbil, xestionar operacións básicas como consultar saldos, realizar transferencias ou pagar recibos, e utilizar aplicacións de pago entre persoas como Bizum. Fomentar a confianza e seguridade no uso da banca electrónica, aprendendo a protexer datos persoais e bancarios, configurar notificacións e detectar posibles fraudes ou intentos de suplantación.