Juan Bouzo, un veciño de Castro Caldelas que alcanzou a idade de 104 anos, celebrou este aniversario o pasado 17 de abril acompañado dos residentes e traballadores da Residencia do Maior de Castro Caldelas, do Director Territorial de Política Social de Ourense, da Alcaldesa e a Concelleira de Benestar Social, da presidenta da Asociación de Xubilados e dos nenos e profesores do CPI.
“Foi unha celebración chea de agarimo, emoción e respecto onde o Sr. Juan disfrutou de agasallos e torta de aniversario”, comentaba Sara Inés Vega, a alcaldesa de Castro Caldelas, ao tempo que se refería ao homenaxeado coas seguintes palabras: “un home agarimoso, educado, elegante e gran conversador, convertiuse nun Caldelao máis dende que chegou, e nun dos tres residentes que con 98 anos non sufríu a COVID no ano 2020 nesta Residencia”.
