A central sindical celebrou esta xornada reivindicativa para expresar o rexeitamento ás políticas que precarizan o emprego, limitan a acción sindical e atacan as conquistas históricas do movemento obreiro.

Neste Día Internacional da Clase Traballadora, a CIG Monforte animaba á mobilización nun contexto marcado polo incremento das políticas regresivas, os recortes de dereitos e o avance de actitudes autoritarias que afectan directamente ás condicións de vida e traballo da maioría social. “Fronte a esta situación, resulta máis necesario ca nunca encher as rúas para defender os dereitos laborais, os servizos públicos e a dignidade da clase traballadora”, aseguran.

A CIG insiste en que só coa organización e coa loita colectiva será posíbel frear esta deriva e avanzar cara a unha sociedade máis xusta.

Manifestación 1º de maio Monforte 2026 / CIG