Durante a xornada abordaranse diferentes temáticas, como a Nakba ou expulsión dos palestinos das súas terras, a relación da universidade con Palestina ou a solidariedade co pobo palestino. Tamén se proxectará o galardonado documental “No matarás”, que aborda o mundo da xuventude xudía radicalizada residente nos territorios ocupados por Israel e que ten como director de fotografía ao monfortino Manuel Valcárcel, Piro.
Contarase tamén coas testemuñas da activista gazatí Sara Ashour, e de Mar Rodríguez Romero e Catherine Theasley Severino, integrantes do Grupo de Traballo en Igualdade da Facultade de Ciencias da Educación da UDC.
Aproveitando a contorna natural na que se celebrarán estes actos, e como actividades complementarias, os participantes poderán disfrutar pola tarde dunha visita guiada por Orlando Álvarez aos Entaladoiros ou Val das Mouras, e dun paseo entre orquídeas e os seus hábitats co biólogo Marcos Reinoso, da empresa “Pía Páxaro, sendeiros na natureza”, o domingo pola mañá. Máis información no teléfono 617 211 528.
