O Concello de Sarria converterase na capital agro-gandeira de Galicia estes días coa celebración da edición 36ª do evento que honra ao San Isidro ao tempo que enxalza o agro e a gandeiría con diferentes actividades.
O sábado 9 de maio será a inauguración, no Campo da Feira ás 10:00 h tendo lugar ás 12:00 a primeira poxa e subasta de xovencas frisonas da fin de semana. A esta mesma hora haberá unha actuación de música tradicional a cargo da entidade local Meigas e Trasgos.
Xa pola tarde, ás 16:30 h, VI Feira Cabalar con exemplares de pura raza Cabalo Galego. Neste evento farase ademais o concurso morfolóxico de cabalos Pura Raza Galego puntuable para a XXV Copa Galicia de equinos autóctonos.
Ás 18:00 h, e seguindo no mundo do cabalo, desenvolverase un espectáculo de doma de alta escola con cabalo; e ás 19:30 h os amantes dos coches clásicos poderán ver o final do IV Rally “Vila de Sarria”.
Como fin de festa para este sábado, ás 20:00 h está programada unha pancetada e baile amenizado polo dúo ‘La hora bruja’ no Campo da Feira.
A programación para o domingo 10 comezará ás 10:00 h tendo lugar ás 12:00 outra poxa e subasta de reses de Rubia Galega (ACRUGA). A esa mesma hora, música tradicional a cargo da Asociación Peleiriños e ás 13:00 h pasarrúas e concerto da Banda de Música da Comarca de Sarria.
Como novidade este ano organizarase o I Premio de Habilidade Tractorista. Ás 12:30 h farase a 1ª manga e ás 17:00 a segunda e a final.
