Segundo recolle o organismo na súa resposta, solicitará á Consellería de Sanidade a información necesaria sobre os problemas expostos por Courel Vivo.

En concreto, o departamento sanitario disporá de 15 días para achegar os datos e, a partir de aí, a Valedora do Pobo analizará a información e informará das posibles actuacións que se poidan levar a cabo. Entre os problemas citados pola asociación atópase a falta de médico fixo en Seoane do Courel. “Hai médico só tres días á semana e case catro horas ao día, unha cobertura claramente insuficiente para un concello de montaña, dispersionado, envellecido e afastado do hospital de referencia”, lamentan.

Apuntan tamén que o seu municipio é o único do área sanitaria sen servizo de Hospitalización a Domicilio, “a pesares de ser precisamente o máis afastado do hospital”.