A Xunta destina 454.500 euros a financiar o obradoiro dual de emprego Os Soutos II, promovido polo Concello de Láncara asociado cos de Paradela e Samos.

Estas iniciativas proporcionan formación teórica e práctica e experiencia profesional á vintena de persoas desempregadas participantes que ao longo de 9 meses desenvolven un traballo efectivo en beneficio dos respectivos concellos. Así o obradoiro mellorará diferentes espazos públicos dos tres municipios.

No que respecta a Láncara, centrarase no acondicionamento do paseo do ferrocarril. En Paradela actuarán nos miradoiros Adega dos Penegos, Cabo de Vila e Santa Marta, así como nos exteriores do colexio público e na parcela do mercado. En Samos está previsto mellorar beirarrúas no casco urbano e no núcleo de Castroncán para fomentar a accesibilidade; ademais de actuar en dúas fontes e acometer labores de mantemento no colexio do concello.