A Xunta de Goberno Local de luz verde na sesión do 1 de xuño á licitación destes dous novos proxectos, que se suman aos xa licitados nas semanas previas, correspondentes á Avenida de Galicia-Rúa Chantada, Rúa Vigo, rúa Calvo Sotelo, zona de Montepando-Bouza Brey e Ribasaltas, e que xa se atopan en proceso de contratación.  

As novas licitacións aprobadas polo Equipo de Goberno están publicadas na Plataforma de Contratación Pública e o prazo para presentar ofertas nos dous procedementos finaliza o 29 de xuño. Os prazos de execución, en ambos casos son de 1 mes.

No Vial entre As Bodegas-A Regueira contémplase a rexeneración do firme da vía municipal que une estes núcleos. Trátase dunha pista que forma parte da rede viaria municipal que suma un total de 780 metros de lonxitude, cun ancho medio de 7,56 m. A superficie total na que se actúa é de 5.900 m2. Colocarase unha nova capa de rodadura de aglomerado en quente e as marcas viais e a sinalización correspondente. O investimento neste vial ascende a 177.770,29 euros.

Na parroquia de Piñeira tamén se actuará en dous viais, entre o lugar de ‘O Bosque’ e a estrada do Reboredo, un deles xunto ao taller mecánico onde rematan os edificios da beirarrúa da dereita, e a outro despois da N-120. As vías nas que se actúa forman parte da rede viaria municipal e teñen unha lonxitude total de 1.670 m, cun ancho medio de 4,16 m, sendo a superficie total de 6.960 m2. Utilizarase aglomerado en quente e pintaranse as marcas viais. Estas dúas pistas teñen un orzamento de 103.825,63 euros.

O plan de investimentos por máis de 1M€ anunciado polo Alcalde completarase en vindeiras datas coa contratación da mellora da pavimentación da rúa Pintor Luis Seoane e as actuacións en vías de Marcelle e San Julián de Tor. O obxectivo é que todos os proxectos estean executados a finais deste ano 2026.

O Bosque e a estrada do Reboredo