A CIG Saúde Monforte alertara de que desde o martes, 27 de maio do 2026, a Pediatra Itinerante da Zona Sur de Lugo estaba ausente do servizo ao que desde Atención Primaria se propuxo, que “os/as nenos/as do Saviñao derivaran ao Servizo de Pediatría de Chantada en quenda de tarde en modalidade de prolongación de xornada de 4 horas. O mércores 03 de xuño do 2026 citar os/as cativos/as dos Concellos de Bóveda, A Pobra do Brollón, Ribas de Sil, Folgoso de Courel e Quiroga no Centro de Saúde de Monforte, cunha prolongación de xornada de 2 horas. O xoves día 04 de xuño, 4 horas de prolongación de xornada en Chantada para as crianzas do Saviñao”.
Para o resto mes de xuño establecéronse os días 9, 16 e 25 con axendas de catro horas no Centro de Saúde de Chantada, centralizando todos os centros de saúde do Saviñao, Bóveda, A Pobra do Brollón, Ribas de Sil, Quiroga e Folgoso do Courel. ” A distancia dos Centros con respecto a Chantada son: de Folgoso do Courel pode haber 85 kms, Seoane do Courel 100 kms, San Clodio e Quiroga 60 kms e así sucesivamente. Queremos destacar que está habendo moitos nacementos de crianzas e hai que facer as revisións aos 15 días, 1 mes, 2 meses, 6 meses, 9 meses e 12 meses”, lembra o sindicato.
A queixa presentada ante a Valedora do Pobo por esta situación foi aceptada de modo que a Valedora do Pobo xa solicitou da Consellería de Sanidade o informe correspondente ao respecto das problemáticas plantexadas.
