A participación do Concello de Quiroga no programa servizo de voluntariado xuvenil da Xunta de Galicia, permite abrir os museos de Quiroga durante o meses de xullo e agosto de luns a venres de 10 a 14 h. Os sábados, domingos e festivos o Museo Xeolóxico abre de 11 a 12 h. E o Museo etnográfico de 12 a13 h.
Ademais, calquera día e a calquera hora, visitas guiadas para grupos de 10 ou máis persoas, en visitas concertadas previa cita no teléfono 982435125 ou no enderezo electrónico cultura.quiroga.quiroga@eidolocal.es.
A maiores, dentro do programa de dinamización turística do Concello de Quiroga: “descubrir Quiroga”, que conta co financiamento da Deputación Provincial de Lugo, levarase a cabo, o domingo, día 2 de agosto: Aventura en familia. Nesta actividade, a primeira parte consiste nunha visita ao Museo Xeolóxico con dinámicas para nenos e nenas.
As persoas interesadas nesta última actividade poden anotarse ou recibir máis información en: turismo.quiroga@eidolocal.es ou no teléfono 982435125. Para coñecer máis sobre os museos quirogueses pódese visitar a páxina www.museosquiroga.org
