A Xunta de Galicia vén de anunciar que apoia a Noite Meiga de Sarria, evento que celebra a derradeira fin de semana de agosto a súa 54ª edición. Será a primeira tras ser recoñecida como Festa de Interese Turístico de Galicia.
O delegado territorial de Lugo, Alfonso Villares, participou días atrás na presentación da cita xunto con membros da asociación Meigas e Trasgos, organizadores do evento; a directora territorial da Consellería de Emprego, Comercio e Emigración, Carmen José López; e representantes doutras entidades involucradas. Villares subliñou a singularidade desta celebración e o arraigo que ten entre a veciñanza e destacou que a declaración como Festa de Interese Turístico galego abre novas posibilidades de promoción e impulso da actividade turística na zona.
