En Chantada destínanse 426.000 euros para mellorar 9,1 quilómetros de 3 estradas provinciais. Na 1802, que vai de Chantada ao encoro de Belesar por Sabadelle, melloraranse 3,3 km. É unha vía que dá acceso a uns 160 veciños e a ducias de explotacións gandeiras. Na 1804, de Touza á Ponte de San Fiz por Belesar, acondicionarase o firme de 4,4 km. Trátase dunha vía moi importante pois conecta zonas de viñedos e adegas deste concello pertencentes á D.O. Ribeira Sacra. Ademais, permite o acceso ao embarcadoiro de Belesar.
Na 1809, de Chantada a Antas de Ulla, melloraranse 1,5 quilómetros, entre Forna e ata Mariz. É a principal vía que comunica a Comarca de Chantada uníndoa coa zona Norte. É moi empregada tanto por empresas, como por maquinaria agrícola e gandeira.
Na zona sur, outro dos concellos que recibe novos investimentos é o Láncara, 68.000 euros para mellorar alumeados públicos na totalidade das 25 parroquias do Concello. Instalaranse uns 50 novos puntos de luz, todos eles de baixo consumo e con maior eficiencia, o que permitirá aforrar custos na factura da luz.
