As Catas de Galicia de Augardentes e Licores Tradicionais de Galicia reuniron 29 mostras de diferentes tipos de destilados galegos de calidade de 10 empresas das Indicacións Xeográficas Bagazo de Galicia, Licor de Herbas de Galicia e Licor Café de Galicia. Delas, 10 resultaron ser as galardoadas. O xurado, que catou a cegas, estivo composto por 5 catadores, pertencentes ao panel de cata interno do Consello Regulador de Augardentes e Licores Tradicionais de Galicia e dous externos, creados para a ocasión.
Desde o Consello Regulador das Indicacións Xeográficas dos Augardentes e Licores Tradicionais de Galicia agradeceron a participación do panel de expertos, así como o apoio da AGACAL por organizar este certame. Un evento que contribúe a poñer o foco na importancia e o valor dos destilados con indicativo de calidade e orixe.
GAÑADORES
Gañadores Bagazo de Galicia I.X.: Pote de Ouro: Fonte do Frade (Pazo de Valdomiño, SA), Pote de Prata Vedra do Ulla (Augardentes de Galicia, SA) e Pote de Bronce: MeuCeo (Bagazos e Licores Augavella, SL) . Augardente de Herbas de Galicia: Pote de Ouro: Tamtum (Bagazos e Licores Augavella, SL).
Licos de Herbas de Galicia I.X.: Pote de Ouro: Pazo Valdomiño (Pazo de Valdomiño, SA). Pote de Prata: Lúa de Costeira (Viña Costeira, SCG). Pote de Bronce: Tamtum (Bagazos e Licores Augavella, SL).
Licor Café de Galicia I.X.: Pote de Ouro: Abadía da Cova (Adegas Moure, SA). Pote de Prata: Tamtum (Bagazos e Licores Augavella, SL). Pote de Bronce: Lúa de Costeira (Viña Costeira, SCG).
