O concerto será, como todos os que se programan no verán, de balde e nun lugar privilexiado, a ampla e arborada terraza coñecida tradicionalmente como ‘A Pista’. Este emblemático lugar foi en tempos un popular lugar de encontro dos amantes do baile nas fins de semana, principalmente os domingos.
DINOSAURIOS
Dinosaurios é un grupo de Monforte de Lemos que fai versións de pop-rock en castelán cun repertorio no que se atopan principalmente cancións do panorama musical dos 80-90 aínda que tamén se inclúen algúns máis actuais. Así, o público pode escoitar dende ‘Radio Futura’, ‘Leño’ e ‘Los Ronaldos’, ata ‘M Clan’ ou ‘Los Zigarros’.
A banda compóñena: Mani á batería e coros, Manu Valverde no baixo e coros; e Tiji á guitarra e voz.
Despois de cinco anos en activo suman un gran número de concertos funcionando moi ben os seus directos cun son sólido e contundente. Cun repertorio moi doado de recoñecer, repasan o panorama musical de grandes éxitos de varias décadas do pop-rock español.
