A cita comezará ás 19:30h cunha ruta polos bares da vila e a partir das 22:30 iniciaranse as actuacións musicais no campo da feira contando cos concertos de 9 Louro, Dakidarría, Tapa d´Orella e os chantadinos The Palangans. Non faltará a tradicional cea popular.

Durante a presentación da Festa da Mocidade, a deputada de Cultura, Iria Castro valorou “a aposta pola música en galego con bandas e artistas de diferentes estilos que demostran que o galego non ten límites, unha mensaxe que queremos lanzar sobre todo a mocidade” e recoñeceu “o traballo da organización para aglutinar a colaboración institucional e pechar un cartel que podería traer a Taboada xente de toda Galiza”.

A Festa da Mocidade dá comezo ás Festas do Milagres de Taboada, que continuarán ata o luns, 10 de agosto con diferentes actividades e propostas musicais e culturais.