A actuación desta agrupación monfortina estivo composta por un repertorio de música tradicional no que as voces, a gaita, a percusión e o acordeón foron protagonistas. A Praza de España encheuse dun público que desfrutou dun amplo repertorio de cancións, unhas coñecidas que forman parte da nosa música tradicional e outras moitas compostas por eles mesmos conseguindo gran aceptación entre o público.

Os integrantes do grupo remarcaron a importancia que ten para eles a oportunidade que lles da o Concello de participar neste tipo de concertos xa que resulta unha oportunidade única para dar a coñecer o traballo que realizan durante todo o ano.