Como é tradición a cita tivo lugar na área recreativa de Ribas Altas. Este encontro que enxalza a empanada está organizado pola Asociación de veciños de Ribas Altas coa colaboración do Concello de Monforte, formando parte do Programa de Verán Cultural do Concello.

Numerosos veciños gozaron dunha das festas con máis tradición das que se organizan no Concello. A actividade principal é o xantar tradicional no que a empanada é a gran protagonista e para a que se conta con ambientación musical. Trala comida procedeuse ao sorteo de agasallos e á entrega de premios ás mellores empanadas.