La Plantación. Encuentros y Conocimiento organiza do 20 ao 29 de setembro un obradoiro práctico de realización. “Filmando con Víctor Erice” que se desenvolverá na Casa Grande de Rosende, no concello de Sober. Como parte desta actividade 25 cineastas procedentes de diferentes países e continentes rodarán unha curtametraxe entre os días 22 e 27 no lugar de Rosende.

Para eses días de rodaxe búscanse persoas voluntarias de todas as idades interesadas en participar como actores e actrices. Trátase dunha experiencia colectiva baixo a supervisión de Víctor Erice, un dos directores máis importantes do cine español.

Tal e como informa a organización as persoas interesadas deben enviar un correo a: info@laplantacion.info cos seguintes datos nun documento pdf: foto, idade, nº de teléfono, desde onde virías e dispoñibilidade para algún destes días.