O Concello de Sober informa do prazo para solicitar as axudas para libros e material escolar e pagamento dos gastos de matrícula do alumnado de Educación Infantil (2º Ciclo) e de Educación Primaria do CEIP Plurilingüe Virxe do Carme, estudantes de Secundaria e ciclos de FP, BAC e universitarios.
REQUISITOS PARA BENEFICIARSE DAS AXUDAS
-Que a persoa solicitante así como os/as menores beneficiarios/as da mesma estean empadroados e residan efectivamente no Concello de Sober.
-Ter fillas/os cursando estudios de Educación Infantil (3 a 5 anos), Educación Primaria no CEIP Plurilingüe Virxe do Carme no curso 2026/2027.
-Estar cursando estudios de Secundaria, ciclos de FP, BAC ou universitarios no curso 2026/2027.
No que respecta á contías económicas, estas serán dun máximo de 100 euros por cada fillo/a que estea cursando estudios de Educación Infantil (2º ciclo) de 3 a 5 anos ou Primaria no CEIP Plurilingüe Virxe do Carme no curso 2026/2027; dun máximo de 125 euros por alumno/a que estea cursando estudios de secundaria, ciclos de FP ou BAC no curso académico 2026/2027 ou dun máximo de 250 euros por alumno/a que estea cursando estudios universitarios no curso académico 2026/2027.
PRAZO PARA PRESENTAR AS SOLICITUDES
Deberán presentarse antes do 15 de outubro no departamento de Servizos Sociais do Concello de Sober en horario de 9:00 a 14:00 horas, de luns a venres, ou a través da sede electrónica do Concello de Sober.
